Қызылорда облыстық ішкі саясат басқармасы мен «Самұрық» инновациялық идеяларды дамыту орталығы» қоғамдық қорының ұйымдастыруымен 2019 жылдың 24 қазанында Арал аудандық орталық ауруханасында және Арал ауданы әкімдігінде «Құқықтық сана және мәдениет» тақырыбында кездесу өткізілді. Кездесуге аурухана қызметкерлері, аудан, кент, ауылдық округтер мен дербес бөлімдерден мемлекеттік қызметкерлер, үкіметтік емес ұйымдар және бюджеттік сала мамандары қатысты.

Кездесудің негізгі мақсаты тұрғындар арасында тұрмыстық сыбайлас жемқорлық пен құқық бұзушылықтың алдын алу болып табылады. Кездесуде «Самұрық» инновациялық идеяларды дамыту орталығы» қоғамдық қорының директоры, заң ғылымдарының магистрі Ж.Тұсмағамбетов тақырыптық хабарламалар жасап, кездесуге қатысушылардың сауалдарына жауап берді. Алдағы уақытта осындай жұмыстар жоспарға сәйкес өз жалғасын табатын болады.