Облысымыздағы Әли Мүсілімов атындағы №101 мектеп-лицейінде 10 сынып оқушыларының қатысуымен Қызылорда облысының қорғаныс істері жөніндегі департаменті бастығының орынбасары подполковник А.Жакиповпен «Мамандығым - мақтанышым» тақырыбында кездесу өтті. Кездесу барысында Алмат Алмасұлы өз мамандығының қыр – сырымен бөлісіп, оқушыларға басынан өткен қызықты оқиғаларын айтты.

Сондай – ақ кездесуге қатысушы оқушылар Алмат Алмасұлына көкейтесті сұрақтарын қойып, тұшымды жауаптар алды. Оқушылар арасынан әскери қызметші болуды армандайтын жастарымыз болашақ мамандықтары туралы толығырақ мәлімет алып, болашақтарына бүгіннен бастап дайындалатындарын жеткізді. Кездесу соңы оқушылардың А.Жакиповке алғыс айтып, естелік суретке түсуімен жалғасты.