Құмырсқа еңбекқор,
Жұрт жақсы біледі.
Құмдардан үй салып
Тізіліп жүреді.
Даланы кезеді,
Қаланы кезеді.
Дән іздеп әрдайым
Қыс қамын ойлайды.
Жазда бір демалмай
Жұмысын қоймайды.
Дамылсыз алаңсыз
Дән іздеп терлейді.
Мазақтап жүргендей
Жалқауды кей кейде.
Шаршамай-шалдықпай,
Асықпай, аптықпай,
Ешкіммен соқтықпай,
Ел білер аяңмен
Келеді құмырсқа,
Желеді құмырсқа.
Үйренсін адамдар
Құмырсқа – үлгі, ұста.